Sura 26 Shuaro, oyat 176 – 190

1. كَذَّبَ أَصْحَابُ الْأَيْكَةِ الْمُرْسَلِينَ

   Қалин дарахтзор эгалари Пайғамбарларни ёлғончи қилдилар. (Бу оятда зикри келаётган «қалин дарахтзор» Мадян ўлкасидир. Аллоҳ таоло Шуайбни алайҳиссалом шу ерга Пайғамбар этиб юборди. Шуайб алайҳиссалом қиссасини, Ҳижр сурасида ўрганганмиз.)

   26:176

2. إِذْ قَالَ لَهُمْ شُعَيْبٌ أَلَا تَتَّقُونَ

   Ўшанда уларга биродарлари Шуайб деди: «Қўрқмайсизларми?!

   26:177

3. إِنِّي لَكُمْ رَسُولٌ أَمِينٌ

   Албатта, мен сизларга ишончли Пайғамбарман.

   26:178

4. فَاتَّقُوا اللَّهَ وَأَطِيعُونِ

   Бас, Аллоҳдан қўрқинглар ва менга итоат қилинглар.

   26:179

5. وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ

   Мен сизлардан бунинг учун ҳақ-ажр сўрамасман. Менинг ажрим фақатгина Роббул Оламийн зиммасидадир.

   26:180

6. أَوْفُوا الْكَيْلَ وَلَا تَكُونُوا مِنَ الْمُخْسِرِينَ

   Бас, ўлчовни тўлиқ ўлчанглар ва камайтиргувчилардан бўлманглар.

   26:181

7. وَزِنُوا بِالْقِسْطَاسِ الْمُسْتَقِيمِ

   Ва тўғри тарози ила тортинглар.

   26:182

8. وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ

   Одамларнинг нарсаларини камайтириб берманг. Ер юзида турли бузғунчиликлар қилманглар.

   26:183

9. وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ

   Сизни ва аввалги наслларни яратган зотдан қўрқинг».

   26:184

10. قَالُوا إِنَّمَا أَنْتَ مِنَ الْمُسَحَّرِينَ

    Улар: «Албатта, сен сеҳрланганлардансан.

    26:185

11. وَمَا أَنْتَ إِلَّا بَشَرٌ مِثْلُنَا وَإِنْ نَظُنُّكَ لَمِنَ الْكَاذِبِينَ

    Ва сен бизга ўхшаган башардан бошқа нарса эмассан. Биз сени, албатта, ёлғончилардан, деб биурамиз.

    26:186

12. فَأَسْقِطْ عَلَيْنَا كِسَفًا مِنَ السَّمَاءِ إِنْ كُنْتَ مِنَ الصَّادِقِينَ

    Агар ростгўйлардан бўлсанг устимиздан осмоннинг бир бўлагини ташлавор», дедилар.

    26:187

13. قَالَ رَبِّي أَعْلَمُ بِمَا تَعْمَلُونَ

    У: «Роббим қилаётган ишингизни ўта яхши билгувчидир», деди.

    26:188

14. فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ ۚ إِنَّهُ كَانَ عَذَابَ يَوْمٍ عَظِيمٍ

    Бас, улар у(Шуайб)ни ёлғончи қилдилар. Бас, уларни «соябон» куни азоби тутди. Албатта, у улуғ куннинг азоби эди. ( Аллоҳ таоло Айка халқини азобга дучор этишни ирода қилганида ҳавони ўта иситиб юборди. Шунда пастлаб келаётган булут пайдо бўлди. Булут уларга соябон бўлиб кўринди. Ҳаммалари ўзларини булут соясига урдилар. Жиноятчи қавмнинг ҳаммаси булут соясига кириб бўлгандан сўнг, бирдан чақмоқ чақиб, булутдан ўт-олов чиқиб уларни ҳалок этди.)

    26:189

15. إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ

    Албатта, бунда оят-белги бор. Лекин кўплари мўмин бўлмадилар.

    26:190

Tarjima: Muhammad Sodik Muhammad Yusuf