Mushaf, sahifa 376
-
مَا أَغْنَىٰ عَنْهُمْ مَا كَانُوا يُمَتَّعُونَ
Ўша ҳузурланиб юрган нарсалари нимага асқотур?!
26:207 -
وَمَا أَهْلَكْنَا مِنْ قَرْيَةٍ إِلَّا لَهَا مُنْذِرُونَ
Биз бирон шаҳар-қишлоқни ҳалок қилган бўлсак, албатта, унинг огоҳлантиргувчилари бўлган.
26:208 -
ذِكْرَىٰ وَمَا كُنَّا ظَالِمِينَ
Эслатма бўлиши учундир. Биз зулм қилгувчи бўлмасдик.
26:209 -
وَمَا تَنَزَّلَتْ بِهِ الشَّيَاطِينُ
У(Қуръон)ни шайтонлар олиб тушганлари йўқ. (Мушриклар даъво қилаётганларидек, Қуръонни шайтонлар олиб тушганлари йўқ. Уларнинг бу гаплари бўҳтондан иборат.)
26:210 -
وَمَا يَنْبَغِي لَهُمْ وَمَا يَسْتَطِيعُونَ
Бунга уларнинг имконлари йўқ ва унга қодир ҳам эмаслар.
26:211 -
إِنَّهُمْ عَنِ السَّمْعِ لَمَعْزُولُونَ
Албатта, улар эшитишдан четлатилгандирлар.
26:212 -
فَلَا تَدْعُ مَعَ اللَّهِ إِلَٰهًا آخَرَ فَتَكُونَ مِنَ الْمُعَذَّبِينَ
Аллоҳ билан бирга бошқа илоҳга илтижо қилма. Йўқса, азобланганлардан бўлурсан. (Пайғамбарнинг (с. а. в.) Аллоҳга ширк келтиришлари мутлақо мумкин эмас. Аммо бу оятда ширкнинг нақадар улкан гуноҳ эканлигини англатиш учун фаразан шу маъно келтирилган. Пайғамбардек (с. а. в.) зот ширк келтириб, азобдан қутула билмаса, бошқаларнинг ҳоли нима бўлишини билиб олиш қийин эмас.)
26:213 -
وَأَنْذِرْ عَشِيرَتَكَ الْأَقْرَبِينَ
Ва яқин қариндошларингни огоҳлантир.
26:214 -
وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ
Ва сенга эргашган мўминларга қанотингни пастлат.
26:215 -
فَإِنْ عَصَوْكَ فَقُلْ إِنِّي بَرِيءٌ مِمَّا تَعْمَلُونَ
Бас, агар улар сенга исён қилсалар: «Мен сиз қилаётган амаллардан безорман», дегин.
26:216 -
وَتَوَكَّلْ عَلَى الْعَزِيزِ الرَّحِيمِ
Ва азиз ва меҳрибон зотга таваккал қил;
26:217 -
الَّذِي يَرَاكَ حِينَ تَقُومُ
Сени қоим бўлганингда кўрадиган.
26:218 -
وَتَقَلُّبَكَ فِي السَّاجِدِينَ
Ва сажда қилгувчилар ичида ҳаракатланишингни (кўрадиган) зотга. (Яъни, ёлғизлигингни ҳам, намозда қоим бўлганингни, шунингдек, мўминлар ичида турли ишларга бош бўлиб юрганингни ҳам кўриб турадиган зотга–Аллоҳга таваккал қил.)
26:219 -
إِنَّهُ هُوَ السَّمِيعُ الْعَلِيمُ
Албатта, Унинг Ўзи ўта эшитгувчи ва ўта билгувчи зотдир.
26:220 -
هَلْ أُنَبِّئُكُمْ عَلَىٰ مَنْ تَنَزَّلُ الشَّيَاطِينُ
Сизларга шайтонлар кимга тушишини айтиб берайми?
26:221 -
تَنَزَّلُ عَلَىٰ كُلِّ أَفَّاكٍ أَثِيمٍ
Улар ўта уйдирмачи ва ўта гуноҳкорларга тушурлар.
26:222 -
يُلْقُونَ السَّمْعَ وَأَكْثَرُهُمْ كَاذِبُونَ
Улар (шайтонларга) қулоқ осарлар. Ва уларнинг кўплари ёлғончилардир.
26:223 -
وَالشُّعَرَاءُ يَتَّبِعُهُمُ الْغَاوُونَ
Ва шоирларга гумроҳлар эргашур.
26:224 -
أَلَمْ تَرَ أَنَّهُمْ فِي كُلِّ وَادٍ يَهِيمُونَ
Уларнинг ҳар водийда дайдишини.
26:225 -
وَأَنَّهُمْ يَقُولُونَ مَا لَا يَفْعَلُونَ
Ва ўзлари қилмайдиган ишларни айтишини кўрмадингми?
26:226 -
إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانْتَصَرُوا مِنْ بَعْدِ مَا ظُلِمُوا ۗ وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ
Магар иймон келтириб, солиҳ амаллар қилганлар, Аллоҳни кўп зикр этганлар ва мазлум бўлганларидан кейин нусрат қозонганлар (ундай эмаслар). Зулм қилганлар эса, тезда қайси ағдарилиш жойига ағдарилишларини билурлар. (Ҳамма шоир ҳам ҳар водийда дайдийдиган, беамал гапирадиган бўлавермас экан. Агар шоир иймонли, яхши амалли, Аллоҳни кўп эсга оладиган, ўзини хор қилмай, ҳаққини таниган, золимлар устидан ғолиб келадиган бўлса, Аллоҳнинг розилигини топган шоир бўлиши мумкин.)
26:227
Tarjima: Muhammad Sodik Muhammad Yusuf